السلام عليكم ورحمة الله وبركاتة
نقلت لكم قصيدة من احدى المنتديات واتمنى انها تعجبكم
تصدق وإلا ما تصدق ...أنا عاجز عن التفكير
تعال وشوف في عينك غيابك وش عمل فيني
حبيبي ما بقى عندي صبر ..يتحمل التأخير
رحلت..وعقبك الدنيا غلاها طاح من عيني
اجاوب اللي يسألني عن اخباري واقول بخير
وانا لا خير بغيابك.. ولا حاجة ..تهنيني
على طاريك كل لحظة .. ولا احتاج للتذكير
حريص القلب ما ينسى عيونك، لا توصيني
محد يقدر يعوضني لأنك .. في عيوني غير
ومهما شفت انا الفرحة ..بدونك ما تسليني
أنا خنتك.. وهالغلطة حبيبي مالها تبرير
علاقة حب مجنونة ..مابين أحزاني وبيني
وكيف الحال وشلوني ..جواب ما يبي تفسير
بدونك انت ، ما تضحك حياتي وترمش سنيني
مثل شاعر عجز يوصف شعورة وخانة التعبير
أنا ضايع ..ولا أدري من من فراقك ..أنا ويني
مثل طير كسر بعدك جناحة وما قدرت أطير
أحاول ابتسم وأنسى ولكن وش ينسيني..؟؟!
أشوفك في صباحي انت ..معنى ياصباح الخير
وأشوفك في مسائي حلم وردي ..لا تصحيني
تصدق.. السهر يرسم عيوني ويتقن التصوير
ويشق النور في صفحة حياتي ..وما الاقيني
أنام شلون ومشكلتي عجزت ألقى لها تدبير
طلبت النوم ..لحظاتة وعيى النوم يعطيني
تغير وجهي ..من اول غيابك وابتدى التأثير
حبيبي..من التعب كافي خذيت اللي يكفيني
ياأغلى من رحل عني ياكل الحب والتقدير
تعال: إن كان لي عندك معزة وكان تغليني
تعال: إن كنت تعشقني وإذا فعلاً تبي لي خير
تعال: ومد لي ..كف الوصل..وآمد كفيني
إذا كان الجفا واجب بدى من قلبي التقصير
أبيك الحين.. ترجع لي ولا ترجع تخليني
أنا ما اقول اللي صار فيني ما هقيتة يصير
لأني كنت ..(متأكد)..بأن البعد ينهيني
تـــــــحـــيـــــاتـــــــــي
